तीनकुनेस्थित अन्नपूर्ण पाेष्टको कार्यालयमा राजावादीहरूले लगाएको आगो निभाइएको छ।
तीनकुने क्षेत्रमा तोडफोड र आगजनी गर्दै सिनामंगलतर्फ अघि बढेका प्रदर्शनकारीले अन्नपूर्ण पाेष्टको कार्यालयको भुइँतलामा आगो लगाएका थिए। त्यसलाई नियन्त्रणमा लिएको त्यहाँ कार्यरत रामकला खड्काले जानकारी दिइन्। कार्यालयको कर्मचारीले नै आगो नियन्त्रणमा लिएका हुन्।
'हामी ३०/३५ जना माथिल्लो तलामा बसिरहेका छौं। कार्यालय अगाडि पेट्रोलपम्प भएकाले जोखिम कायमनै छ,' उनले भनिन्, 'कार्यालयको सिसाहरू पनि फुटाइएको छ।'
प्रदर्शनकारीहरू आवतजावत गरिरहेका छन्।
समर्थनका लागि सडकमा उत्रिएका प्रदर्शनकारीहरूले तीनकुने क्षेत्रआसपासका नीजि घरहरूमा तोडफोड र आगजानी गरिरहेका थिए। त्योसँगै त्यसपछि उनीहरूले सञ्चार गृहलाई समेत निशाना बनाएर तोडफोड गरेका हुन्।
प्रदर्शनकारीले कान्तिपुर टेलिभिजनको कार्यालयमा ढुंगा प्रहार गरेका थिए। प्रदर्शनकारीको ढुंगा लागेर कार्यालयको सिसा फुटेको कान्तिपुर टिभीले जानकारी दिएको छ।
त्यहाँ कार्यरत सञ्चारकर्मी बाहिर निस्कन सकेका छैनन्।
-1746009348.jpg)
